Штип стана член на Европската асоцијација на градови со текстилна индустрија. Нашиот град заедно со Вараждин се единствените градови од Балканот членки на оваа асоцијација.

Англиска компанија од областа на земјоделието заинтересирана за земјоделски производи од Штип.

Претставници на англиската фирма “Гринграс Kооперејшн” беа во посета на Штип. Англичаните во разговорот со градоначалникот Панде Сарев изразија интерес за изградба на оранжерии и откуп на земјоделски производи за што планираат да вложат еден милион евра. Општината Штип им понуди можни локации за изградба на оранжериите и им ги претстави поволните услови на нашето подрачје за производство на земјоделски прехрамвени производи како и контакти со Штипските фирми од прехрамбената индустрија. Англиската Гринграс досега работела во Кипар.

До половината на овој месец треба да потече биолошкиот минимум во реката Крива Лакавица

   -Директорот на Управата за водостопанство, Републичкиот инспектор за водостопанство, градоначалникот на општина Штип, претседателот на Советот и советници од Штип како и градоначалникот на општина Конче и претставници на ЈП Мантово денеска беа на лице место да ја видат состаојвата со испусните вентили на браната Мантово. Од увидот констатирано е дека испусните вентили се сервисирани и се ставени во функција. Во наредните денови Републичкиот инспектор за водостопанство ќе изврши снимање на целокупната состојба со браната Мантово по што треба да го задолжи јавнотѕо претпријатие кое стопанисува со браната да овозможи проток на билошкиот минимум во реката Крива Лакавица. Со ова ќе се стави крај на децениската агонија на реката и на целиот лакавички регион.  

Според хортикултурната уреденост Штип на ниво на Eвропските метрополи

Ефектите од расадникот на ЈП Исар од ден на ден се повидливи. Прекрасните колоритни цветни аранжмани во зелените површини и пред Јавните институции се место за одмор на очите.  Екипите на одделението за паркови и зеленило по уредувањето на зелените површини активно работат на замена на старите светни садници со нови. Денеска со нов цветен аранжам е украсен делот пред општинската зграда.