Општината Штип се наоѓа во централниот источен дел на Република  Македонија помеѓу 41° 31’ 15’’ и 41° 44’ 25’’ северна географска ширина и 22° 10’ и 22° 13’’ источна географска должина. Подрачјето на Штип претежно е со планинска и ридска местоположба, со исклучок на Кочанската, Овчеполската и Лакавичката котлина со долините на реките Брегалница и Лакавица. Просечната висинска разлика, во целина помеѓу планинските ср’тови и рамнинските предели по теченијата на реките, изнесува 1.300, а средна надморска висина е 250 метри.

Општина Штип лежи во средно сливно подрачје на реката Брегалница. Се граничи со седум општини и тоа: Радовиш, Конче, Неготино, Градско, Лозово, Св. Николе и Карбинци, со добра местоположба и патна поврзаност.