Се одржа 25-тата седница на Комисијата за статут и прописи на чиј дневен ред беа четири точки.

Комисијата ја усвои предлог-одлуката за измена и дополнување на Одлуката за авто такси превоз на патници на подрачјето на Општина Штип, согласно која се утврдени единечните цени и е предложена унификација на такси возилата во градот.

Комисијата не ја прифати предлог-одлуката за финансиско учество за обезбедување на археолошки локалитет „Баргала“. Комисијата исто така не ја изгласа предлог-одлуката за преотстапување на противпожарни возила. Станува збор за две постари возила кои требаше да бидат отстапени на Општина Македонска Каменица, откако Штип ќе добие нови од Владата на Македонија.

Не е прифатен и извештајот за работењето на Комисијата за утврдување на пазарната вредност на недвижен имот на подрачјето на Општина Штип за период од 11.12.2009 - 31.10.2010 година.