Претставници на Општина Штип во соработка со НВО „ИНфоцентар“ во Скопје ги привршуваат активностите околу изготвување на програмата за комуникации на Општина Штип за 2011 година.

За прв пат, локалната самоуправа ќе добие програма за комуникации која е вовед во една поголема и поширока активност која се однесува на изработка на стратегија за комуникации (односи со јавност).

По изготвувањето на конечниот документ, истиот ќе биде претставен пред надлежните комиси а потоа и на седница на Советот на Општина Штип. Со програмата се утврдуваат насоките за соработка со медиумите, граѓаните,НВО и бизнис секторот во 2011 година како и активностите кои ќе доминираат идната година.

Изготвувањето на програмата за комуникации за 2011 година е остварена со огромна поддршка на Билјана Бејкова и Елена Симоноска од НВО „Инфоцентар“-Скопје.