Од денес, Универзитетот „Гоце Делчев“ го започнува Месецот на македонскиот филм. Настанот ќе започне со ретроспектива на филмовите на Милчо Манчевски, кои ќе се прикажуваат во Мултимедијалниот центар на УГД по следниов редослед:

-       на 1 декември во 20 часот – „Пред дождот“;

-       на 2 декември во 18 часот – „Прашина“;

-       на 2 декември во  20 часот – „Сенки“;

-       на 3 декември во 11 часот – „Мајки“.

Во петок (3 декември), по проекцијата на филмот „Мајки“, во Мултимедијалниот центар на Универзитетот ќе гостува и режисерот Милчо Манчевски. Во 13:00 часот Манчевски ќе им се обрати на студентите и сите заинтересирани љубители на филмот и уметноста. Истиот ден режисерот ќе оствари и интервју во Универзитетското радио, во рамките на емисијата „Свеж воздух“.

Билетите за филмовите можат да се купат од книжарницата на Економски факултет на денот на проекциите од 8.30 до 16.30 или непосредно пред проекциите.