Денес се оддржа 15-тата седница на Комисијата за еднакви можности на чиј дневен ред беше една точка: Повторно разгледување на можностите за реализација на проектот „Подигање на свеста на средношколската младина за сексуално-преносливите болести и можни последици од нив во насока на превенција на истите„.

Во функција на ова, членовите на комисијата го разгледаа проектот за превенција од сексуално преносливи болести кој предвидува спроведување на анкетен прашалник во средните училишта во Штип. Анкетниот прашалник го подготви Центарот за јавно здравје а истиот ќе биде даден на пополнување од учениците во прва година во средните училишта во Штип во текот на декември.

Врз основа на добиените параметри, ќе се организираат едукативни предавања со кои ќе се образуваат средношколците за опасноста од секуслано преносливи болести. Комисијата донесе заклучок за потребата од спроведување на вакви прашалници еднаш годишно.