Општина Штип го одбележува меѓународниот ден на хендикепираните лица. Градоначалникот на Штип, д-р Зоран Алексов посети три општински институции кои во своите дневни активности вклучуваат работа со хендикепирани лица. Станува збор за ООУ „Ванчо Прке“ каде постои паралелка за деца со посебни потреби, потоа дневниот центар за престој на деца со посебни потреби и ЦССВ „Искра“.

При своите посети, градоначалникот Алексов ја изрази потребата од што поголема подршка на државата но и на Општината за нега на овие деца. Според него, општината се обидува да помогне во рамките на своите можности но секогаш може повеќе за да можат овие институции уште посуепшно да работат. Тој им се заблагодари на вработените за успехот кој го постигнуваат во работата, бидејќи станува збор за специфична категорија на лица кои имаат потреба од поголемо внимание и разбирање.

По повод одбележувањето, Градоначалникот во име на Општината им подари ваучер од 6000 денари на овие три институции поединечно, со цел средствата да ги искористат за свои потреби.