Општина Штип во соработка со Црвениот крст - Штип денес ја спроведе третата крводарителска акција.

Во периодот од 10:00 до 15:00 часот, вработени во локалната самоуправа и претставници на институциите кои се во ингеренции на Општина Штип даруваа крв. Крв по трет пат откако е на функција даде и градоначалникот д-р Зоран Алексов кој изјави:

- Ова е хуман гест и секако дека акцијата е потребна. Сум дарувал неколку пати крв и кога ќе имам можност ќе го правам тоа колку што можам. На овие три акции кои беа во организзација на локалната самоуправа сум учествувал и добро е што полека преминуваат во една традиција.

На акцијата се одзваа не само од јавните претпријатија и локалната администрација туку и голем број на граѓани. За четири часа (11:00 до 15:00) беа собрани околу 90 крвни единици.

Општина Штип со минатата акција држи своевиден рекорд, бидејќи во март беа собрани над 220 крвни единици.