Вчера во Централниот регистер во Скопје се одржа свеченост по повод завршувањето на првата фаза од проектот за едношалтерски систем и отпочнување на втората фаза.

На свеченоста присуствуваше и градоначалникот на Штип д-р Зоран Алексов кој е иницијатор и автор на овој проект во време кога беше на функцијата Директор на Централниот регистер.

На средбата на која присуствуваше и Министерот за Економија, Фатмир Бесими беа потврдени успесите на Централниот регистер во спроведувањето на овој проект, со што се скрати потребното време за давање на услуги на граѓаните со што Македонија доби и Европска потврда за остварените реформи.

Со втората фаза од проектот се предвидува електронска регистрација на фирми, електронска стечајна постапка и регистрација на залог и лизинг.