Денес од печат излезе новиот број на општинскиот гласник „Мозаик“. Во 10-тиот број воведната колумна ја пишува секретарот на Општина Штип, Кирил Фичорски кој се подготвува за заминување во пензија. Неговата колумна е еден вид на осврт на неговот 26-годишно искуство од работата во локалната самоуправа.

И во новиот број продолжува серијалот за развојот на урбаните заедници со претставување на УЗ Ново Село. Исто така поместени се наслови за новите проекти на општината, за најновиот број на дивоградби кој се искачи на над 7000, а ќе прочитате и за спортските успеси на боксерскиот тренер Петре Чурлинов и за новиот потфат на велосипедистот Дејан Зафиров кој наскоро заминува за Кина.

Општинскиот гласник „Мозаик“ излегува како подлисток на месечникот „Штипски глас“.