Македонската Влада ги обезбеди средствата за реализација на новиот проекто на локалната самоуправа „Биди нов интернет претприемач“. Преку овој проект, штипските преприемачи ќе се едуцираат и промовираат. Министерството за економија, овозможи средства за негово остварување, согласно Програмата за развој на претприемаштвото, конкурентноста и иновативноста на малите и средни претпријатија во 2010 год.

Со проектот се предвидува активно он-лајн присуство и промоција на претприемачите кои се во почетна фаза и кои ги прифаќаат е-предизвиците, сакајќи истовремено да менаџираат преку е-бизнис медотите.

Резултатите што се очекуваат се 30-тина обучени млади претприемачи, дизајниран веб-портал со сите потребни информации за претприемачите и со простор за нивно рекламирање, како и изготвување на брошура со сите неопходни информации за е-бизнисот, потребни за младите претприемачи да остварат онлајн присуство.Преку распишување на Јавен оглас од страна на Општината, согласно критериумите од истиот, ќе бидат анимирани штипските претприемачи.

Освен е-промоциите, директните корисници ќе имаат обуки за: зголемување на конкретните сознанија за можностите и предностите кои ги нуди е-бизнисот; зајакнување на различните е-бизнис стратегии кои можат да се применат во работењето; унапредување на конкретните сознанија за имплементирање на успешна е-бизнис стратегија; добивање конкретни сознанија за правната регулатива за поддршка на формите на електронско работење во Македонија.

Владата учествува со 150.000 денари или половина од вкупните средства за реализација на овој проект додека половина ќе обезбеди Општина Штип.