Градоначалникот на Штип д-р Зоран Алексов и на Кочани Ратко Димитровски денес одржаа координативен состанок во Штип. Разговараа за актуелните предлог измени од областа на градежништвото. Владата со измените предлага надоместокот за комуналии да изнесува само 5% од актуелната цена. Но градоначалниците Алексов и Димитровски предлагаат овој износ да биде сведен на „нула“ денари:

- Овој наш предлог прво ќе биде доставен до Советот на градоначалници од источниот-плански регион, по што ќе биде доставен до надлежните институции пред да влезе во собраниска процедура. Доколку Советот на градончалници го усвои овој наш предлог, секоај од другите две општини ќе треба да си донесе одлука на Совет. Ние сметаме дека со надоместок нула денари за комуналии ќе се стимулираат инвеститорите во слободните зони да направат фабрики и да вработат луѓе - вели Ратко Димитровски, кој воедно е и Претседател на Советот на градоначалници на Источниот плански регион.

За градоначалникот на Штип, овој потег може да значи нови инвестиции во слободните зони:

- Во изминатите две години Штип нема никаква добивка по основ на комуналии. Наша цел е надоместокот за комуналии да биде „нула“ денари а заеднички со мерката од 1 евро за м/2 ќе му се овозможат услови на инвеститорот уште на старт да има минимални трошоци. Источниот-ппански регион е еден од најсиромашните во земјава на планот на изградбата на нови индустриски комплекси. Со ова се отвораат можности за инвесиции, уште во старт вложувањата да бидат мали со што би се привлекле заинтересирани да градат – вели градоначалникот на Штип Алексов.

Добивката на општините би била во следниот период, по изградбата на објектите. Како прво, ќе има вработување на луѓе а како втор по основ на данок на имот и други давачки ќе се инкасираат средства. И двете општини во овој момент имаат локации во слободни економски зони. Штип има 3 зони со можност за 59 објекти а Кочани пак располага со две економски зони и простор за откупен центар. Веќе на следната седница на Советот на градоначалници овој предлог на Штип и Кочани ќе биде ставен на разгледување.