Вчера во простории на Стопанската комора на Македонија во Скопје се одржа работилница на тема: Зајакнување на административните капацитети на централно и локално ниво за имплементација и спроведување на законодавството за управување со цврст отпад.

На работилницата говореа експерти од ЕУ од ресорот животна средина а предмет на дискусија беше законодавството на Македонија кое ја регулира споменатата проблематика и можностите за поефикасно спроведување на одредбите од законот.

На работилницата присуствуваа и претставници на Општина Штип од ресорот животна средина и инспекторат со цел добивање на сознанија и совети за поефикасно спроведување на законските постапки.