Како дел од подготовките за претстојниот старт на пролетниот дел од првенството во првата македонска фудбалска лига, фудбалерите на ФК Брегалница 2008 за време на викендот одиграа уште еден контролен односно пријателски натпревар на стадионот во соседната Општина Карбинци.

Во средбата со второлигашот 11 Октомври од Прилеп, штипските сини ремизираа со резултат 2:2. Головите ги постигнаа Ванчо Трајчов и Славчо Велковски.

Првата средба од вториот дел на шампионатот фудбалерите на Брегалница треба да ја играат на 5-ти март против фудбалерите на вицешампионот од есенскиот дел Ренова.