Градоначалникот на Штип, д-р Зоран Алексов претпладнево оствари средба со присуствуваат економскиот советник на словенечкиот амбасадор Алан Брајан Бергант.На средбата присуствуваше и аташето за економска соработка како претседателката на штипскиот Совет, Сузана Николовска.

Поради тоа што Штип е град на текстилната, кожарската и прехранбената индустрија, словенечкиот амбасадор во текот на денот посети три водечки индустриски капацитети. Прво ги посети погоните на фабриката за чевли „Баргала“ по што се состана со градоначалникот Алексов.

- Нема прашање на кое не се задржавме, беше корисно и за двете страни. Како град на кожарската индустрија и текстилот, имаме што да понудиме за словенечките инвеститори. Се надевам дека ова ќе отвори економски перспективи за соработка и инвестиции. Да не заборавиме дека го имаме маркетот Туш веќе со години и тој успешно работи во Штип. Словенија понуди помош и во обука на наши лица за поефикасно добивање на средства преку проекти од европските фондови – изјави по средбата градоначалникот Алексов.

За амбасадорот Бергент, Штип нуди поволности за стопанствениците:

- Ние сме концентирани на развојно-техничката поддршка и во тоа приоритет имаат Црна Гора и Македонија. Гледам одлична можност за поврзување на кожарската индустрија од Штип со Словенија, како и со текстилот. Имате и бања која може да биде привлечна за инвестирање. Ги добив најновите информации и тие ќе бидат пренесени во Словенија. Имате и одличен универзитет, тоа е уште едно поле за соработка. Од оваа година студентите од Македонија ќе можат д абидат дел од размената и на државните универзитети во Словенија да се школуваат бесплатно.

По разговорот со градоначалникот, словенскиот амабасадор ја посети фабриката за масло „Брилијант“ и конфекцијата „Штип-текс“ по што замина за Кочани.