За време на викендот, децата бегалци од Егејска Македонија, се собраа кај манастирот св. Пантелејмон во близина на селото Брест. Ова е 17-та средба која традиционално се случува на Велигден. Домаќин беше здружението „Македонски Егеј“.

- Очекуваме победа во битката со грчките власти за враќање на насилно одземените имоти. Грчките власти да не признаат како етничка заедница во Грција- изјави претседателот на Здружението Јордан Тунев.

Градоначалникот на Штип д-р Зоран Алексов веќе трета година од својот мандат присуствува на настанот:

-Губењето на вековното живеалиште не може да се надполни со ништо, но со вакви форми на здружување се продолжува традицијата и се потврдува единството во поглед на остварувањето на правата на македонците низ соседните држави- изјави Алексов.

На средбата присуствуваа и поранешниот пратеник во Парламентот Влатко Горчев, Исмаил Бојда од Сојузот на Македонци со Исламска религија и Претседателот на Светскиот Македонски Конгрес, Тодор Петров.