Денес во Општина Штип се оддржа состанок со претставници на ЗЕЛС. Станува збор за изготвување на документација како техничка помош и поддршка за Општините, согласно проект на ЗЕЛС, во кој меѓу неколкуте општини е вклучена и Општина Штип.

ЗЕЛС преку проект поддржан од УСАИД изминатите години работеше со 13 општини на планот на изготвување на програми за надворешна комуникација а сега се посветува на техничка поддршка на проекти кои треба да ја засилат и унапредат комуникацијата во самата локална самоуправа, помеѓу раководителите, секторите и вработените во администрацијата.

Поддршката подразбира изготвување на урнек за деловник за средби кај градоначалникот, формат на записник и друго, кои секоја од општините учеснички во проектот треба да ги адаптираат на сопствените потреби и активности.

Финалниот производ е пропишана процедура за оддржување на работни состаноци кај градоначалникот, начин на комуникација во самите одделенија и сектори и следствено на тоа, зголемена транспарентност и информираност во рамките на самата општина.

- Во поглед на надворешната комуникација со медиумите и граѓаните, Штип е една од водечките општини и пример кој го следат и на кој укажуваат и други локални самоуправи од Македонија – изјави Ирена Николов од ЗЕЛС при вчерашната посета на Штип. Тоа е една од причините што во проектите за транспарентност, Општина Штип секогаш е меѓу учесниците бидејќи постои потенцијал за нови успеси.