По повод денот на загинувањето на идеологот на македонското револуционерно движење Гоце Делчев, Општина Штип денес организираше одбележување. Во црквата „Света Богородица“ во штипско Ново Село беше оддржана панихида за Делчев, по што пред рељефот на училиштетот во кое учителствувал беше оддржана пригодна реч:

- Денес оживувајќи го споменот на Гоце, кој секојдневно се трудиме на разни начини да го негуваме и зачуваме, горди сме што негово дејание низ животот има оставено длабоки корени на штипската почва – рече Бојан Кереместевски, советник во Општинскиот Совет.

Делчев како што рече тој, е најмаркантната личност од историјата на Македонскиот народ во борбата за своја независна држава. Дел од неговите идеи се втемелени и во Штип каде извесен период живеел и работел како учител:

-Гоцевата саможртва за делото на ослободувањето на народот во Македонија и создавањето на независна или автономна македонска држава му го донесе на нашиот врвен идеолог ореолот што означува и признание и почит – напомена Кереместевски.

Бројни делегации положија свежо цвеќе на спомен-рељефот на Делчев, градоначалникот на Штип, ограноците на партиите, и претставници на институции кои го носат неговот име.

Потоа беше положено свежо цвеќе пред спомен бистата на Гоце Делчев во Кампус 2 при Универзитетот „Гоце Делчев“.