По повод денот на пожарникарите градоначалникот на Штип, д-р Зоран Алексов нa противпожарната единица им донираше ЛЦД телевизор. Телевизорот го предаде претседателката на Советот, Сузана Николовска.

- Нашата противпожарна служба благодарение на ангажманот на Владата и на Советот, за само две години стана една од најопремените противпожарни служби во Македонија. Со новите возила и новата опрема, како и со најновите тренинзи, пожарникарите се подготвени за секаква реакција иако се надеваме дека ќе имаат што помалку работа - изјави Николовска.

При посетата на територијалната противпожарна единица беше даден рапорт, се разгледа опремата и возилата,а беше направена и практична показна вежба. Оваа година сите пожарникари се прогласени за најдобри, бидејќи како што беше кажано, тие се тим и успехот во сите активностите зависат од сите поедиинци подеднакво.