Денес беше оддржа прес конференција по повод стартот на 26-тото издание на годинашново „Штипско културно лето“. На прес конференцијата беше презентирана официјалната програма како и идејните решние за годинашново ШКЛ.

- Имам особена чест да најавам дека од недела започнуваме со 26-тото издание на Штипско културно лето, најстарата манифестација од областа на културата во градот. Општина Штип по 6-ти пат целосно е покровител на ШКЛ. Од недела па до крајот на јули ќе бидат презентирани над 40 содржини кои се надевам ќе ги задоволат вкусовите на љубителите на културата – изјави градоначалникот на Штип, др Зоран Алексов.

На прес конферебцијата присуствуваа и советниците Војо Маневски и Вилма Јованова (Претседателка на Комисијата за Култура) и Кирил Панајотов (Одделение за јавни дејности):

-И оваа година ја имаме неделата на детето која беше воспоставена лани. Исто така продолжуваме и со националните денови на културата. Минатата година тоа беа нашите пријатели од Хрватска а годинава ќе се претстават културни работници од Србија – изјави Панајотов.

Инаку ШКЛ започнува во недела со концерт „Езерки & Седум Осмини“ од Хрватска. Концертот ќе се оддржи во народниот театар со почеток во 21:00 часот.