Во рамките на „Штипско културно лето 2011“ синоќа во уметничката галерија „Безистен“ со почеток во 21:00 часот настапи ансамблот „Oboe 4 strings“ од Полска.

Овој камерен ансанбал е формиран во 2008 година на иницијатива на Јарослав Вирзиковски. На репертоарот имаат музика од сите епохи на светски и полски композитори па затоа често пати се гости на врвни настани и фестивали на класична музика не само во Полска туку насекаде низ светот.

Тројца од членовите на ансанблот работат како лидери во своите секции во оркестрите каде што настапуваат а гостувањето во Штип е дел од нивната голема турнеја низ Југоисточна Европа.

Овој состав го сочинуваат Јарослав Вирзиковски, Бернардета Вујневич, Лилјана Добровска и Наталија Касперчик. На ШКЛ тие се претставија со 11 компизиции.