Излегувањето меѓу граѓаните на Штип засегнати со Законот за легализација на бесправно изградените објекти ги дава првите резултати.

Од понеделник до денес, на терен се 9 општински тима со 20 лица кои на лице место им даваат помош на граѓаните и собираат документи за пријавување на дивоградби.

Резултатот од ваквиот приод на Градоначалникот на Штип, д-р Зоран Алексов е над 270 пријави за 4 дена, што е солиден резултат ако се знае дека за четири месеци граѓаните самостојно побарале легализација на 870 дивограби од вкупно над 8000 регистрирани.

Акцијата продолжува и понатаму а членовите на тимовите на локалната самоуправа се распоредени по различни реони во градот. Во моментов прибираат документи во населбите Караорман, 8-ми Ноември, Железничка, Дузлачки рид, Сењак, на улиците Радански пат и Широк дол како и во центарот на Штип.