Вчера во рамките на „Штипско културно лето 2011“ се оддржаа три културни настани со гости од соседна Бугарија.

Во 18:00 часот детскиот фолк состав „Бизоне“ од Каварна се претстави со песни и ора од Источниот регион на Бугарија на локацијата К‘ртеке. Станува збор за група која негува различни видови на танци, од народните ора, изворна музика па се до поп-фолк етно игри.

Во 21:00 часот, театарската група „Зеници“ од Каварна се претстави со театарската престава „Меѓу земјата и небото“ во Народниот театар во Штип. Претставата претставува ритуално движење со кое се повикува дожд и воспоставување на запоставената врска меѓу небото и земјата.

Во 22:00 часот, вокалниот пејачки состав „Fanny's Angels“ од Каварна настапи со познати поп песни  во Дом на млади-Штип. Станува збор за колекција на хит теми.

Овие културни активности се дел од проектот  “Развиена општинска соработка – подобри локални резултати” поднесена од страна на Општина Штип, Р.Македонија, на Повикот за предлог проекти 2010 – Програмата Европа за Граѓаните (2007-2013), врз основа на Одлуката Бр. 1904/2006/ЕС на Европскиот Парламент и на Советот од 12 Декември 2006 година, а објавен на 15-ти Декември 2010.

Проектот е финансиран од Европските граѓански програми на Европската Унија.