Градоначалникот на Штип, д-р Зоран Алексов денес ги посети децата од Ќустендил (Бугарија) кои се дел од реализацијата на проектот „Балканска театарска работилница“.

Како што е познато, во сабота на 27 август со почеток во 19:00 часот во НУЦК „Ацо Шопов“ ќе биде изведена македонската премиера на детската-куклена театарска претстава „Итар Пејо“. Тој денес ги посети за време на оддржување на пробите со цел да им посака пријатен престој и успешна работа:

- Пријатно сум изненаден, одлична претстава, од она штого видов јасно е дека проектот дава резултати а организаторите заврпиле одлична работа. Многу ми е драго секогаш кога се работи за вакви настани посветени на децата. Со оглед на тоа што станува за преугранична соработка, се надевам дека пријателствата меѓу децата ќе траат долго, бидејќи тоа е и она најважното – изјави градоначалникот Алексов.

Претходно, во 18:30 часот ќе биде отворена изложба на цртежите и куклите кои беа изработени за време на престојот во Ќустендил д 1-14 август 2011.