КУД „Ристо Донев“ на покана на градските власти учествуваше на годинашниов фолклорен фестивал на плодородието кој се оддржуа во Ќустендил (Бугарија).

Група од над десетина мали игроорки беа во Ќустендил каде имаа настап при што го претставија Штип и Република Македонија на овој фестивал.

Фестивалот се оддржува веќе пета година по ред, каде локалните граѓани ги слават плодовите кои се резултат на земјоделските работи. На тезгите на градскиот плоштад можеа да се видат различни производи, пред се зеленчук и овошје кое беше претставено и во инвентивни форми и дизјани.

КУД „Ристо Донев“ беше специјален гост, покрај неколку фолклорни друштва од овој град и од околината на Ќустендил.

Малите штипски игроорки предводени од кореографката Милена Ристова-Михајловска ги воодушевија жителите на плоштадот каде настапија со неколку ора, вклучително и заштитниот знак на ова група „Водарки“.

Организаторите се задоволни од учеството на фестивалот и се надеваат дека и идната година ќе ја продолжат соработката со КУД “Ристо Донев“.