Преку проект на ГТЗ Ред и Центарот за развој на источниот плански регион, денес во Штип  престојуваа 25 претставници на локалните самоуправи од соседна Албанија. Целта на посетата е размена на искуство во повеќе сегменти и изнаоѓање на можности за соработка.

Најголем дел од претставниците на локалните власти од Албанија се надеваат на воспоставување на економска соработка и меѓусебно поврзување на регионално или локално ниво.

Градоначалникот на Штип при отворањето на состанокот напомена дека локалната соработка е основен предуслов за понатамошна соработка која ќе јакне и на национално ниво. Градоначалниците имаа можност да проследат и презентација за активностите на Центарот за развој на источниот-плански регион, најчестите проекти кои имаат можност да се финансираат.