Штипјанецот Зоран Илиев е победник на 26-тото издание на фестивалот на музика „Макфест 2011“. Песната со наслов „Ангели и демони“ доби најголем дел од гласовите на публиката во салата на НУ дом на култура „Ацо Шопов“во Штип.

Второто место му припадна на Александра Белов со песната „Имав се“ а третото на Дуле и Коки за песната „Ден прв во месецот“.

Илиев ја доби и наградата за најдобар дебитант, а за најдобар сценски настап награда доби Адриан Гаџа. Најслушана песна меѓу два фестивала е „Не планирам“ на ланскиот победник Ламбе Алабаковски додека наградата за најдобра вокална интерпретација му припадна на Ристе Тевдоски. До прогласување на побендицитем, Своја шоу програма имаа браќата Тавитјан.

Фестивалот заврши со традиционалниот коктел и сечење на фестивалската торта од страна на учесниците на фестивалот.

Годинава фестивалот кој е во сопственост на Општина Штип го реализираше приватната фирма „Нова икс идеа“ од Скопје, која единствена поднесе документација на јавниот конкурс.