Денес од 11:00 до 14:00 часот во Општина Штип се оддржа обука за дел од вработените посветена на подобрување на комуникациските вештини. На обуката која ја спроведува „Мотива“ учествуваа 25 вработени, а веќе на 25-ти октомври ќе биде реализирана уште една обука на истата тема за дополнителен број на административци од локалната самоуправа.

Обуката има за цел да ја подобри комуникацијата на административците кои се во директен контакт со граѓаните како корисници на сервиси и услуги од општината. Станува збор за работилница за вработените во одделението за локален економски развој, едношалтерскиот центар и други сектори кои имаат потреба од комуникација со разни групи, субјекти и граѓани.

На крај ќе следи втора обука за тимска работа на 27 и 28 октомври за две групи на административци а предвидена е и трета обука, овој пат за невработени лица на теми: самостоен маркетинг за вработување и генерирање идеи за започнување на сопствен бизнис. Датумот за оваа обука дополнително ќе биде утврден.