Штип денес го одбележа денот на ослободувањето „8-ми ноември“. По тој повод се оддржаа низа настани меѓу кои централна активност е доделувањето на наградата „8-ми ноември“.

Во 9 часот во спортската сала „Јордан Мијалков“ беше отворено државното првенство во пинг-понг за средни училишта. Учествуваат над 60 ученици од сите средни школи од Македонија.

Потоа следеше полагање на цвеќе во Алејата на народните херои за што пригоден говор оддржа советникот Војо Маневски а претседателката на Советот, Сузана Николовска со делегација од Советот положи свежо цвеќе на споменикот на Револуцијата „Исар“. И двајцата потсетија на важноста на овој ден кога Штип беше ослободен од фашистичкиот окупатор.

Во фоајето на големата сала на Општина Штип беше отворена ликовна изложба -Уметниците за Штип која ја организираа членовите на ДЛУШ.

По свечената седница, во НУ-Библиотека „Гоце .Делчев“ беа оддржани традиционалните Митровденски средби на доктори на науки. При тоа беа промовирани  7 нови доктори на науки.