Градоначалникот на Штип, д-р Зоран Алексов денес во Општина Штип ги потпиша првите неколку договори со дел од штипските угостители, за вклучување на брендираната штипска пастрмалија во нивното официјално мени.

Постапката има за цел и практично да се спроведе постапката со која беше брендирана штипската пастрмалија и секој посетител да знае дека во објектите кои имаат налепница со официјалното лого на овој брендиран производ се продава автентична пастрмалија.

Потпишувањето на договорите ќе се одвива и понатаму со сите заинтересирани угостители во градот кои ја подготвуваат пастрмалијата, а цената за налепниците е симболична и повеќе со цел да се заштити производото отколку локалната самоуправа да заработи. Конкретно, угостителите од Штип кои ќе ја имаат брендираната штипска пастрмалија на мени ќе платат само 600 денари за една година. За угостители надвор од Штип цената ќе биде поголема, со цел истата да се зашитит и автентично да се консумира само во Штип.