Вчера во мултимедијалниот центар на Економскиот факултет при Универзитетот „Гоце Делчев“ – Штип, точно на пладне беше оддржи свечена академија на Здружението на пензионерите на општина Штип и Карбинци.

Свечената академија беше дел од пошироката манифестација на државно ниво кое се однесува на 65-годишниот јубилеј од пензионерското организирање во Македонија.

На манифестацијата присуствуваше и градоначалникот на Штип, д-р Зоран Алексов кој им даде комплетна поддршка на пензионерите во сите нивни активности, изразувајќи надеж дека ќе имаат можност за соработка на многу проекти и дека заеднички ќе ги слават идните јубилеи.

На академијата, беа доделени и неколку признанија за соработка а беше изведена и културно-уметничка програма.