Во петокот се оддржа 41-та седница на Советот на Општина Штип на чиј дневен редбеа 23 точки.

Усвоена е Предлог-Одлуката за измена на распоредот на средствата во Буџетот на Општина Штип за 2011 година како и кварталниот извештај за извршување на Буџетот на Општина Штип за 2011 година за период од 01.01. до 30.09.2011 година.

Советот го прифати и планот на програми за развој на Општина Штип за периодот 2012-2014 година по што ја усвои предлог-одлуката за одобрување на финансиски средства на ООУ „Ванчо Прке“-Штип и на Центарот за поддршка на лица со интелектуална попреченост „Порака“-Штип.

Прифатена е и предлог-одлуката за реализација на програмата „Ран детски развој во учебната 2011/2012 година која веќе неколку години наназад успешно се спроведува.

Советниците го усвоија и извештајот за работењето на ЈП „Исар“ - Штип по Програмата за одржување на јавната чистота за период од 01.07.-30.09.2011 година и извештајот за работењето на ЈП „Исар“-Штип за период од 01.07.-30.09.2011 година.

Потоа се дискутираше за извештајот за реализација на Програма за уредување на градежно земјиште, на подрачјето на Општина Штип за период од 01.07.-30.09.2011 година и извештајот за реализација на Програма за изградба и одржување на локални патишта и улици, на подрачјето на Општина Штип за период од 01.07.-30.09.2011 година.

Прифатена беше и информацијата за состојбата на локалната патна мрежа во Општина Штип по што следеше разгледување на извештаите за 2010/2011 година и програмите за работа за 2011/2012 година на СОУ „Коле Нехтенин“, на ОЈУДГ „Астибо“ и ЈУДОДГ „Вера Циривири Трена“.

18-та точка на дневниот ред беше програмата за работа на Дом на млади - Штип во 2012 година, која исто така беше усвоена како и предлог-програмата за активностите на Општина Штип од областа на културата за 2012 година.

Усвоен е и извештајот за реализацијата на Штипско културно лето 2011 а дадено е зелено светло и за Локалниот акционен план за спречување на секаков вид на дискриминација за период 2011-2012 година и на Локалниот акционен план за лица со инвалидност 2011/2018 година. На крајот следеа советнички прашања.