Во сабота и недела се одиграа поголемиот дел од натпреварите од 16-тото коло во првата Македонска фудбалска лига. Фудбалерите на ФК Брегалница 2008 на градскиот стадион ја пречекаа екипата на Силекс. Во дуелот, штипјани беа посилни од кратовчани при што славеа со победа од 3:1.

Ова се резултатите од другите средби:

Металург – Напредок 2:0

Вардар – Охрид 2004 2:0

Хоризонт Турново – Работнички 1:0

Шкендија – Ренова 2:2

Денес се игра последниот натпревар од 16-тото коло, Тетекс – 11 Октомври.

Во моментов ФК Брегалница 2008 е на петтата позиција, и одбележува скок од две места со вкупно 22 бодови или само 3 помалку од четвртопласираниот Силекс.

Во рамките на 17-тото коло, ФК Брегалница 2008 на градскиот стадион во Штип, во сабота 3-ти декември ја пречекува екипата на Тетекс.