Вчера во Општина Штип, претставници на Одделението за локален економски развој го промовираа проектот „Споделено знаење-инвестиција за иднината“.

На промоцијата учествуваа претставници на Општина Ќустендил, конкретно заменик градоначалникот Надја Каратова,бидејќи станува збор за проект кој е дел од прекуграничната соработка со Р.Бугарија во рамките на ИПА програмата.

На прес конференцијата беа презентирани целите, проектните активности и очекуваните резултати од проектот. Основна идеја на проектот е формирање на веб портал со бизнис информации за двете општини што ќе овозможи информираност и поврзување на фирмите и претприемачите од двата града. Оваа база на податоци ќе биде информативна алатка за бизнисмените, со цел да добијат подетални информации за видот на индустријата, фирмите и друго.

Во моментов, според изјавата на заменик градоначалникот Каратова, Штип и Ќустендил можат да се пронајдат околу бањскиот туризам, бидејќи и двете општини имаат природни води и бањи. Проектот е вреден 300.000 евра.