Денес се оддржа 23-тата седница на Комисијата за култура на чиј дневен ред, единствена точка беше Предлог-Програмата за одбележување на Денот на градот 19 декември-„Свети Никола“ за 2011 година.

Според концептот кој ќе се најде и пред Комисијата за финансии а потоа и пред Советот, и годинава ќе биде организирана свечена академија, доделување на наградите „19-ти декември“ и орденот „Свети Никола“.

Новина е што годинава патронот на Штип, празникот „Свети Никола“ е и регионален празник. Во соработка со ГТЗ и Центарот за развој на Источниот плански регион (ЦРИПР) предвидено е и проширување на манифестацијата со богата културно-уметничка програма и мини-саем за општините од регионот.