По повод 3-ти декември Меѓународниот ден на лицата со инвалидност, претставници од Општината Штип со Претседателката на Советот, Сузана Николовска, денес остварија посети на неколку институции.

Прво беа посетени децата со посебни образовни потреби во ООУ„Ванчо Прке“. Претседателката на Советот Николовска, напомена дека Општината секогаш ќе биде со децата и ќе се обиде во рамките на можностите да им помага:

- Имаме обврска кон Вас, да направиме се што е во наша моќ, не смао на овој ден, туку преку цела година, да обезбедиме услови за ваш правилен развој. По тој повод обезбедивме скромен подарок, играчки и нагледен материјал во вредност од 6000 денари кои се надевам ќе бидат полезни во наставниот процес – додаде Николовска.

Потоа следеше посета на децата кои престојуваат во дневниот центар за деца со посебни потреби, каде исто така беа донирани играчки а од страна на приватниот сектор и друга помош и поддршка за центарот. АД „Баргала“ донираше детски обувки и чевли а „Телекабел“ подари ЛЦД телевизор.

На крајот следеше и посета на учениците од ДСУ „Искра“, каде беше потенцирана заложбата за поддршка и помош во секој поглед од страна на општинатаЧ

- Оваа институција неодамна прослави 30-годишен јубилеј а сега на овој важен ден, уште еднаш, во име на градоначалникот д-р Зоран Алексов и Советот на Штип  ја користиме можноста да им дадеме поддршка и д аим искажеме благодарност на вработените за севкупниот ангажман во нивната работа со учениците – изјави претседателката на Советот, Николовска.

Општина Штип на ДСУ „Искра“ му подари ЛЦД телевизор, согласно потребите на институцијата и на барањето на учениците.