ЈП „Штип проект“ во соработка со УЗ Баби изминатиот период работеше на поставување на тротоарни површини кои водат од оваа УЗ на регионалниот пат кон месноста Караорман. Дел од регионалниот пат кон Караорман кај УЗ Баби доби нови тротоари.

Станува збор за локацијата кај детската градинка „Бамби“ во УЗ Баби по кој се движат пешаци од локалната населба а истиот беше опасност заради правата делница на патот и големите брзини со кои се движат автомобилите.

Полека но сигурно, се уредува делот кој води кон локацијата на природниот камен споменик баби по кои населбата го носи името.

Екипи на ЈП „Штип проект“ кои работат на ова, имаат намера до крајот на годината да ги уредат тротоарните површини до половина од локацијата, да го заокружи овој тротоарен простор кај стадионот на ФК Баби а идната година да продолжи со уредување на локацијата и нејзино завршување со комплетно уредување на т.н камени баби како еден вид на природно богатство.