Вчера се оддржа 42-та седница на Советот на Општина Штип на чиј дневен ред беа 12 точки.

Усвоена е Предлог-Одлуката за проширување на средствата во Буџетот на Општина Штип за 2011 година и Предлог-Одлуката за одобрување на финансиски средства на РК „Текстилец“-Штип.

Советниците ја прифатија и Предлог-Одлуката за откажување од право на користење на градежно земјиште и Предлог-Програмата за одбележување на Денот на градот 19 декември - „Свети Никола“ за 2011 година.

Потоа беше усвоена Предлог-Програмата за работа на Советот на Општина Штип за 2012 година и Предлог-Програмата за поставување урбана опрема на територијата на Општина Штип. Советниците ја усвоија и Предлог-Програмата за  изработка на урбанистички планови на територијата на Општина Штип за 2012 година и Предлог-Програмата за активностите на Општина Штип од областа на спортот за 2012 година.

Прифатен е и Предлог-Правилникот за начинот и постапката за добивање одобрение за поставување урбана опрема и нејзино отстранување и извештајот за извршување на одлуките донесени од Советот на Општина Штип во периодот од 01.07. до 30.09.2011 година.

На крајот усвоено е барањето за исправка во Програмата за изработка на урбанистички планови на територијата на Општина Штип за 2010 година по што следеа советнички прашања.