Општина Штип во рамките на Програмата за социјална, детска и здравствена заштита за 2011, синоќа оддржа обука за сензибилизација на наставници, професори и стручни кадри (психолози, педагози и социјални работници) од градинките, основните и средните училишта.

Станува збор за едукација во врска со семејно насилство, трговија со луѓе и педофилија, со цел навремено откривање на овие појави и преземање на соодветни мерки од страна на стручните служби од споменатите институции. Оваа постапка е согласно законската регулатива во Македонија.

Средбата се оддржа во Општина Штип а во реализација на обуката учествуваше државниот советник Душко Миновски од Министерството за труд и социјална политика. Тој ги пренесе Законските нормативи во поглед на оваа проблематика и упати низа практични совети до посетителите, претежно од образовниот сектор на Штип со цел стекнување на соодветни знења за справување со оваа проблематика.