Националната установа Завод за заштита на спомениците на културата и Музеј Штип, синоча ја отвори ИСТОРИСКАТА ПОСТАВКА „Штип низ историјата I – XX век“ на одделението за конзервација на икони и керамика.

Поставката ја отвори Министерката за култура, м-р Елизабета Канческа Милевска.

Поставката говори за историјата на градот,од периодот од првиот до дваесетиот век. Историјата на Штип е прикажана низ 1000 експонати. Поставката е поделена на девет теми, а се почнува со старото име на градот Астибо, кое се споменува од античкиот хроничар Полиен.

Во Историската поставка посебно место има периодот, кога Гоце Делчев учителствувал во штипско Ново село. Изложени се свидетелствата потпишани од Делчев, писмата испратени до соработниците.

Директорот на Завод и Музеј на Штип, Зоран Читкушев напомена дека благодарение на Министерството за култура и рудникот „Бучим“ се обезбедени средства за отворањето на Конзерваторскиот центар, во кој ќе се конзервираат старите икони во Брегалничката епархија и керамичките артефакти од археолошките локалитет.