Во Општина Штип се оддржа трибина посветена на Законот за работни односи и на прирачникот кој го изработи Комисијата за еднакви можности.

Комисијата за еднакви можности, избрана од Советот на Општина Штип, во рамките на своите надлежности, изготви акциски план за 2010 и 2011 година, кој беше усвоен од страна на Советот на Општина Штип.

Во акцискиот план беше предвидено да се реализира акција за утврдување на почитувањето на Законот за работни односи и основни човекови права за жените во конфекциите.

Проектот кој се реализираше во текот на 2011 година  предвидуваше спроведување на анкета на илјада вработени во текстилната индустрија, изготвување на прирачник во кој ќе бидат презентирани резултатите од анкетата и извадоци од Законот за работни односи како и организирање на трибина.

На трибината беа поканети и претставници од Текстилните фабрики во Општина Штип, од Министерството за труд и социјална политика, од Синдикатот, од трудовиот инспекторат, како и членови на Советот и на Комисијата за еднакви можности.

Воведно обраќање имаше Градоначалник на Штип д-р Зоран Алексов, по што следеше презентација на добиените резултати од спроведената анкета за вработените во текстилната индустрија од страна на Координатор за еднакви можности  Локална   самоупрва -  Штип, Снежана Санева. Анкетата покажала дека работниците се жалат најмногу на пречекорувањето на работното време односно прекувремената работа и на наплатата на дополнитлените часови за работа. Но од друга страна се забележува тенденција за пријавување на работниците за разлика од порано која масовно се работеше на црно.