Градоначалникот на Штип, д-р Зоран Алексов присуствуваше на традиционалното палење на  коледарските огнови.
Првиот оган беше запален во дворот на црквата Свети Никола по што градоначалникот посети неколку урбани заедници каде традиционално изминатите години постои обичај на палење на коледарските огнови.

- Мило ми е што штипјани ја почитуваат традицијата и верата и што гледам се поголем број на луѓе доаѓаат на одбележувањето на нашите големи христијански празници бидејќи тоа ја зацврстува нашата верба во бога – изјави градоначалникот Алексов.

Прва станица беше дворот на гимназијата „Славчо Стојменски“ каде традиционално се пали коледарскиот оган и се приредува прием во чест на градоначалникот.

Потоа градоначалникот Алексов ги посети коледарските огнови во урбаните заедници „Тошо Арсов“, „Славчо Стојменски“, „Брегалница“, „Караорман“ и други. Коледарските огнови уште еднаш потврдија дека во Штип се оддржува оваа верска традиција која и покрај временските прилики а пред се ниските темперетури ги обединува луѓето и трае до долго во ноќта.