Во Општина Пробиштип, се оддржа второто издание на манифестацијата „Промотивен ден на регионот“.

По примерот со Штип, кога на Свети Никола беше организиран промотивен ден на регионот со поддршка на ГТЗ РИД, Центарот за развој на Источниот-плански регион започнува со кампања на промоција на регионот, на месечна основа во сите 11 општини од регионот.

На промотивниот ден беа промовирани општините од овој дел на Македонија. Општина Штип се претстави на два штанда, на едниот со промотивен материјал од општината а на вториот со фирмите од градот, преку нивен промотивен материјал, брошури, флаери и производи.

Културно-уметничката програма за посетителите беше реализирана од страна на општината-домаќин, Пробиштип.