Прво беше оддржана утринска богослужба / литургија по што во 10:00 часот беше извршено фрлање на светиот крст во водите на река Брегалница од мостот во Ново Село. Најбрз меѓу 40-тмината скокачи беше Мартин Петрушевски (студент на Универзитетот „Гоце Делчев“ во Штип). Покрај подароците од црквата, тој од градоначалникот на Штип д-р Зоран Алексов доби на подарок лаптоп компјутер.

- Традицијата продолжува со се поголем број на верници и граѓани кои го одбележуваат овој голем христијански празник, со кој ја зацврстуваме верата во бога. Се радувам на празникот но и на честа која штипјани ја укажуваат во одбележувањето на Богојавление-Водици – изјави градоначалникот Алексов.

Потоа поворката од граѓани и официјални лица од Ново Село и црквата Свети Никола се упати кон градскиот базен каде во 11:00 часот беше организирано фрлање на крстот во градскиот базен.

Овде над 30-тмина штипјани скокнаа по светиот крст а најбрз беше Александар Апостоловски. И тој доби лаптоп компјутер од градоначалникот на Штип.