Денес се оддржа 42-та седница на Комисија за урбанизам, комунални дејности и заштита на животна средина на чиј дневен ред беа 4 точки и 2 информации.

Прифатено е барањето за давање согласност на одлука за започнување на постапка за доделување на договор за јавно приватно партнерство како и предлог-одлуката за изработка на локален акционен план за животна средина на Општина Штип (ЛЕАП).

Комисијата го прифати и извештајот за работењето на инспекцијата за животна средина за период од 01.07.2011-31.12.2011 година и извештајот за работењето на комуналната инспекција за период од 01.07.2011-31.12.2011 година.

Во информативниот дел прифатена е информацијата висината на комуналните такси во Штип, Прилеп, Струмица и Охрид како и мислењето на стручните служби по повод иницијативата на советникот Зоран Костовски за враќање на режимот на сообраќај во централното градско подрачје од еднонасочен во двонасочен режим на сообраќај.