По 24 дена престој во Аргентина, на остварување на проектот Јужна Америка 2010, вчера остварена прва видео врска со штипјанецот Дејан Зафиров. Велосипедскиот маратон кој Зафиров го почна засега се одвива без поголеми проблеми.

Поминати се точно 1383 километри, длабоко на територија на Аргентина. Тоа е близу половина од вкупната рута која на стартот од Буенос Аирес во Аргентина до Менодза во Чиле има над 4000 км. Зафиров во моментов е во Рио Негро, во местото Чоели Чоел, поточно на околу 400 км од границата со Чиле.

Во разговорот, Зафиров изјави дека потешки за возење биле последните неколку дена и растојанието од околу 300 км, заради пустинскиот предел и високите темперетури. Како што изјави, се наближува кон планински предел, заради што и возењето ќе биде отежнато.

За комплетирање на проектот, Зафиров и понатаму има потреба од финансиска поддршка заради што се апелира сите заинтересирани субјекти доколку се во можност да го поддржат проектот со издвојување на средства на следната сметка:

Здружение на граѓани ГАИА:

т-ска: 300000003019355

а.д. Комерцијална банка - Скопје