Во холот пред големата сала на општина Штип се одржа крводарителска акција. Организатор е општина Штип во соработка со Црвен Крст - Штип.
Крводарителската акција е успешна и надминат е бројот на ланските 145 крвни единици кои беа собрани.

Во акцијата за дарување на крв организирана од страна на општина Штип учествуваа дел од вработените, дел од советниците, студенти, ученици и бројни граѓани.

Крв даруваше и градоначалникот д-р Зоран Алексов. Неговата идеја е на секои 6 месеци да се случува по една акција. Претходно тој даруваше крв и во акцијата организирана во септември минатата година.

За ваквите хумани активности, Црвениот крст - Штип додели признание на општината.