Традиционално на првиот ден на пролетта, штипјани се потсетија на верското одбележување на Светите 40 маченици и народниот обичај за фрлање на 40 каменчиња.

Голем број на млади и стари  беа на градската крепост Исарот од каде со фрлањето на 40-те каменчиња и ракувањето со 40 лица уште еднаш се потсетија на долгогодишниот обичај кој се прави на секој 22 март.

Вчера во знакот на традицијата на Исарот беше и градоначалникот на Штип д-р Зоран Алексов со своите соработници. Тој ја посети црквата Свети Архангел Михаил и се дружеше со дел од посетителите на Исарот.