Општина Штип потпиша меморандум за соработка со националниот веб портал за туризам Exploring Macedonia. Меморандумот го потпишаа градоночалникот на Штип, д-р Зоран Алексов и претставникот на веб порталот, Саша Гавриловиќ.

Со потпишувањето на меморандумот за соработка се овозможува Штип да биде претставен на овој најпосетен македонски портал за туризам и да биде дел од севкупната македонска промоција.

Исто така, Гавриловиќ како претставник на фирма која го сервисира СМС зонското паркирање изврши презентација за новиот начин на користење на паркинг услуги по пат на СМС зонско паркирање. Овој систем како што беше напоменато функционира во Скопје, а системот се имплементира и во 14 други градови надвор од Македонија.