Претставници на Општина Штип учествуваа на четиридневна обука за ГИС системи (Гео-информациони системи). Станува збор за обука за работа со софтвер за оваа намена. Обуката започна во вторник а заврши во петок.

Општина Штип ја претставуваат 4 лица. Двајца од информатичкиот оддел и уште двајца од одделението за урбанизам. Покрај нив на обуката учествувале и претставници на соседната општина Карбинци.
Обуката се спроведува во ГИС ДАТА во Скопје, инаку фирма која е лиценцирана за спроведување на обуки од овој тип.

Обуката е дел од меѓуопштинската соработка со општина Карбинци а стекнатите знаења за работа со овој тип на софтвер ќе бидат искористени и при креирањето на базата на податоци по проектот за евидентирање на дивоградбите во двете општини.